咖啡札記

但願人長久

千里共嬋娟

一樣的地方, 一樣的人, 一樣的感覺? 也有些不一樣.

大家各走各路, 最終, 我們還是重遇.

曾聽過有人以線條比喻人的關係:

有些永遠是平衡線, 所以從不相遇;

有些是交叉線, 交接後不久就再也不能維持;

我們這些相中人, 是多條波浪式的曲線, 分開了又相聚.

我想, 最理想的, 莫如此.

每日都好忙好忙, 食飯一向唔定時, 亦唔會有時間諗定今餐食D咩, 等到餓到唔食唔得, 咪見咩食咩囉! 在CAFE 咪成日食MUFFIN, 牛角包, 意粉, 在觀塘OFFICE就只能夠食杯麵, 因為做野往往都係通宵達旦.

 

朋友A見到, 臉帶同情咁話: "賺咁多錢有咩用? 要食杯麵."

我大聲抗議: "係賺到我都心甘命抵, 至弊唔係呢!!! 咁多年都係得個做字!!!"

 

忙於佈置展覽D野, 昨夜在公司SET好個台, 原本有D野係一做落就停唔到手, 搞到零晨6點幾都仲想睇下有D咩可以砌得佢靚D, 不過真係頂唔順, 今日仲要睇舖

.

 

8號風球! 又8號風球!

搞到個人都無MOOD開工, 就算開工都無MOOD工作, 只係想同D黎飲咖啡O既朋友一樣, 享受天賜的一天假期.

舖頭既然唔忙, 就搵D野做下啦! 之前間唔中會收到一D電話查詢, "你地仲有冇SERVE 'POTATO & LEEK QUICHE' ?"   唉!!! 我唔整O既時就有人問, 整咗出黎又都係自己食晒.

電話另一邊又再問: "咁你地幾時會再整呀?" 聽得出佢真係好中意食薯仔.

"咁你幾時會黎呢?" 我遲疑咗兩秒後問.

"我未知啊! 話唔埋播."

"咁 ...... 咁點好呢?"

(DEAD AIR 咗 幾秒)

之後都唔係好記得係响點樣O既情況下收線, 總之就  . . . . . . =(

我有整呀! 今次, 睇下有幾多人會ORDER 啦!

.

下午3點幾就開舖, 一直到零晨12點, 成日流流長, 可以整好多野, 麵包布丁, CREME BRULEE, 都係平時有整開的, 只係有時忙得滯, 就好難再整D HOMEMADE 野.

 

 

同埋都要睇市場反應O既. 如果多D人支持, 咁我地都會落力去做好佢, 確保供應充足.

當然, 最重要都係味道, 如果整咗出黎唔好食, 咁 "HOMEMADE" 呢個字都無意思啦!

 

想了好久, 不知該如何定題, 和下筆, 因為事情本身實在太 . . . . . . 無法形容 .

想好了很多的開場白, 反覆思量, 還是不足以帶出重點, 所以還是算了吧! 反正, 這個星期五晚上, 如果你們來的話, 你會見到一位久違的仁兄出現在 Cafe Corridor. 我已有足夠的心理準備迎接連串的歡呼, 和尖叫聲.

這或許正是大家期待已久的.

 

從泰國帶回來一些咖啡, 一包是當地一家咖啡店自家種植, 兼烘焙的, 只用單品泰豆 peaberry .

.

另外還有 3 支生豆, 1 支是泰國 Doi Chaang 產區出的 Catimor

 

.

其餘兩支分別是也門的 Isamaili (左) 和印尼的 Mandehling (右)

.

都是 PNF Coffee 送的, 所以不好意思要太多, 這次喝完應該不會剩多少了, 所以記得要來.

.

時間定在星期天  06 July  6pm - 8pm .

.

這兩天會把豆子烘好, 等到星期天應該剛剛好, 好了, 見面再談.

 

 

响泰國見到唔少新奇好玩O既野, 首先係個 Knock Box , 睇下呢個原本係咩黎O既! 估到未啊?

睇落似係裝豆腐花的木桶,  但泰國我好似唔多見有人食豆腐花, 所以我估都係做 SPA 用的.

 

 

 

在 PNF COFFEE , 向兩位真正的咖啡逹人學習, Sirada & Woody , 兩位都是 CNF 的老闆 , 所以才能如此專注地看待咖啡這行業.

一口氣做了幾次 Sample Roasting , 分別烘焙了來自泰國本土的咖啡豆 , 還有些我帶過去的 Ethipoian Harar , Colombian Royal Huila, Tanzanian Ruvuma AAA , 次日我們三人一齊 cupping , 分享不同的咖啡豆所帶給味蕾的衝擊.

私底下我們也來了一次 Latte Art Competition, 哈哈哈! 真夠瘋狂的 ! 我冇畫熊貓兔仔啊! 大家都是玩 Free Pour 的, 我做了這個:

個SALES講O既時候我真係大聲笑咗出黎! 完全冇理會周遭環境, 仲大大聲問返個 SALES, "真係有咁著數?!?!?!"

話說數月前去豐澤買電腦, 揀咗一大輪, 最後終於有決定, 咪同做 SALES 講囉! 例牌 SALES 口吻, "你不如揀多小小野, 我地做緊PROMOTION, 買滿咁多錢有雙人來回曼谷機票送喔!"

呢D野我都受慣架嘞! 好似上次同朋友飲緊野, 同事打黎話雞蛋用晒, 咁我咪去買囉! 夜媽媽落到惠康, 諗住攞起 PACK 蛋就走, 點知, "新鮮農場雞蛋, 原價 $29.9 / TRAY , 買滿 $80. 只需加 $15.9 " !!!!

你話嘞! 點忍得住手唔買啊? 於是孚, 公司就擺咗幾罐 BODDINTONS 同埋 TETLEY'S , 仲有兩包好好味O既小食,  LAWRENCE 你如果見到呢個 POST, 快D過黎探我啦! 留番罐俾你, 雖然未必及得上响 KEVIN 度飲咁正, 總之就過黎啦! 但唔好早過 28 號, 因為我要 28 晚先返到, 如果你夜晚 10 點後出現咁又唔同, 我會返去收舖, 你睇時間啦!

啊! 講番張機票, 就係咁! 咪飛咗去曼谷囉! 咁啱香港掛 8 號風球, 避開咗 "風神" ! 哇! 咁型O既個名, 激發起我O既好奇心, 好想知到D颱風訊號係如何命名, 查 "YAHOO 知識" , 算係有 D 頭緒啦!

 

今日去咗 PNF COFFEE 公司參觀, 佢地係RENEKA 响泰國的代理商, 又係自己烘焙咖啡, 亦都有自己的 CAFE , 所以傾上黎特別投契.

 

起床已經11點多, 快速清理貓貓的便便, 又得趕回 Corridor .

泡了杯 filter coffee, 喜歡她的清爽順口, 可以大口大口地喝.

坐在吧台上, 聽著AIR 的 Playground Love, 感覺世界瞬間停頓, 凝固,

真希望, 這一刻可以永遠留住.

諗諗下我應該同D熟客仔影番D合照, 因為再過幾年又唔知大家會變成點樣.

 

3 年冇見, 原來有唔少都已經成家立室, 結婚生仔/女, 依家見親都係一家幾口, 真係溫馨.

 

而以前一眾同事, 雖然各有各的良好發展, 但佢地O既心依然繫於長廊, 對此我深感安慰.

 

 

哈哈哈! 真係俾寶寶激死, 咁都俾佢諗到

話說佢同佢親戚問起咩係低因咖啡, 同埋係點樣整出黎, 於是我好有耐性咁講解, 誰不知講講下佢無端端爆咗句 "Felix de-caf" . . . . . . 無言, 滴汗!

自從 Cafe Corridor 重開, 除咗自我陶醉外, 最開心都係見到舊客們一個個現身, 有的熱情擁抱訴說離情, 亦有的點頭微笑, 然後默坐一旁, 估計係重拾緊失落了的咖啡時光 (  自滿的樣子).

.

Frances, you look great in photo, what's wrong with my hair , hha!

.

小黑, 多謝你熱心幫忙, 希望有機會可以借用你個 friend d 相, 無以為報, 唯有以啡相許 ;-)

.

Teresa, nice meeting you that day. coffee business is a tough business, but it's also cheerful when you are really working it out with your body and soul , add oil la! but need to think twice about the factory zone, it's good testing point for you guys to earn experiences, concerning about the long term operation, you will not be happy staying in such area, i guess. so, time to step up :-)

每次都係咁 ! 唔去到最後一刻都唔知道自己想點 (其實現在也是茫然的).

時間, 內部定咗由正午 12 點 至 夜!

所以 Lawrence 你唔使趕黎, 食埋晚飯斯斯然行入黎仲得.

Thomas 你就隨緣而至啦!

.

呢兩晚執檔期間都有朋友行入黎打招呼, 話知道我地會重開, 一定會黎幫襯, 以行動表示支持咁話, 感動! 感激!!! 如果唔係因為你地對 Cafe Corridor o既支持, 如果唔係因為呢個舖位, 我諗我都唔會攞苦黎辛, 因為開一間 cafe 真係唔係一件輕鬆o既事, 沖兩杯咖啡, 睇下書, 聽下音樂, 同客人傾下偈, 煮自己拿手餸菜招呼朋友, 類似種種對經營 cafe 的憧憬, 係唔會响現實生活裡出現, 咪再俾一 d 小說橋段 or 戲劇情節矇騙, 第二度我唔敢講, 但香港就一定唔得, 如果有人想話寫本 "香港 cafe 血淚史" , Darren 同我大把題材, 何況仲有 Lawrence, Esther, Yvonne, Doris, Edwin 等等等等.

.

點都好, 由興趣轉為職本身就係痛苦的, 但亦係最令人開心同滿足的, 所以最後都會堅持到底, 為自己選擇而活.

 

p.s.: 謝謝 Belinda & Flora 出手相助, 你幫忙解決了我最不善長處理的問題 ;-D

 

等咗好耐! 終於有今日!

依家仲執緊檔, 但應該趕得切在復活節開門, 雖然未必有野食, 但飲杯咖啡絕對無問題.

21 March 2008

記得早到!

 

裝修進行得如火如荼之際, 收到柬埔寨 RENEKA 代理的通知, 工作上有需要過那邊配合一下.

 

 

柬埔寨, 會是怎樣的一個國度呢?

師傅們工作效率算是挺高的,

從拆掉醫務所到今天開始做牆身也只是 4 天的事,

電線也開始在舖了.

三年的時間過得飛快,

再看這條長廊, 怎麼會變成這樣?

可以回復當年的模樣嗎?

一次又一次, 錯過很多朋友的專誠探訪, 真的很過意不去呢!

"阿麥" 那邊的工作可以逐步放手, 以後會多抽時間留在中環的店的了, 尤其是星期六, 日,

希望會再見到你們.

因為要睇舖, 去不了朋友的生日飯局, 遺憾 !

特登約去北角街市果間 "東寶" , 餸菜美味之餘, 另一特色係啤酒用碗黎 serve , 聽講仲係雪凍咗添, 確係夠晒誠意 ! 不過, 唉 ~ ~ ~ ! 結果都係自己煮麵食 , 今日真係好失魂 , 切野居然切親隻食指 , 冇咗成忽指甲連丁朵肉, 痛到入心. 中午焗朱古力蛋糕又失敗 =(

 

借用朋友 Joyce 在中環卑利街的酒吧 "Joyce is not here", 藉以形容我近期的狀況.

不少朋友知道我在伊利近街開了店, 都很念舊, 不惜千里迢迢, 攀山越嶺地來到店裡找我.

抱歉的是, 受 "阿麥" 所托, 為他們在銅鑼灣的餐廳做籌備工作, 現時實在分身乏術, 未來的數星期, 只有在星期天才有空留在中環店, 就像今天, 雖錯過 Ian  和另一位朋友的探訪, 但總算有機會為見了面的朋友泡幾杯咖啡, 意外的居然是還會有 take away order, 猜想應該是托傳媒的福吧.

這幾天都忙得沒日沒夜, 最大的希望是 "阿麥" 的事情可以早日順利完成, 那將會是我 "重獲自由" 的時候.

再一次為還沒見到的朋友致歉!

 

 

停了一段好長的時間 , 忙的除了是繼續在 ebay 找尋一些和咖啡有關的古物 , 主要還是為迎接中環 retail shop 的開幕作打點 , 現在店是開業的了 , 有時間歡迎來坐坐 ,

地址         : 中環 伊利近街 6 號 閣樓

開放時間 : 1pm - 10pm

休息日     : 星期一

 

正式開幕日定在 23 Dec ,   一個令人懷念的日子 .

 

經濟日報率先為新店作報導 , 請看 :

 

 

 

 

還沒來得及為新到的玩具拍個全相, 她已以接近 "零部件" 姿態被清洗後躺在桌面上涼乾 .

 

 

從沒想過會在睡不著覺的情況下弄出這樣的一個東西來 .

 

麵團揉好後要發酵 1 小時 ,  期間為它拍了照 (無聊) , 煮了個麵吃 , 完了還要等 15 分鐘 . 做的是叫作 "蘇格蘭圓麵包" , 因為它需要的材料剛好全都有 , 看上去好像是我們的 "光蘇餅" , 因為大家都上了一層厚厚的粉 , 說起來也有好長一段時間沒再吃 "光蘇餅" 了 , 自從認識了 muffin , bagel , 牛角飽 , panini , focaccia 之後 , 很多陪伴著我們成長的東西好像都註定要被遺忘似的 , 菠蘿雞尾是少有的幸存者 , 當中會有什麼的啟示呢 ?

 

將麵團分成 8 小份再進行二度發酵 , 約 40 分鐘 , 我想我已經睡著了 zzzzZ  zzZz zZz zzZ zz z z ZZzZZ  zZZZz   ZZZzZZZZ

 

( 不能將照片 upload , msn 真係要檢討下 , 再係咁 d 人就會走晒過 yahoo 架嘞 )

本來是要睡的了, 但看到廚房裡放著昨夜浸泡的白米, 想起我原打算要煮的芝麻糊, 嗯 ~ ~ ~ 不煮的話那米就要廢掉了, 還是煮吧!

 

也沒誰教過, 只是小時候看外婆, 阿姨們煮, 也就記下一些秘訣.  那時候我們磨芝麻還真是用沙盤, 加一根 "擂漿棍" ; 芝麻先炒香, 大概跟炒咖啡差不多, 火不能太猛, 溫火, 再慢慢加溫, 等到 "一爆" 出現, 哈哈!!! 要收火了, 別試圖急拉, 一點點 temperature surfing 是有需要的, 增加芝麻香味, 但切忌炒過火, 我試過這樣 "深烘" 煮出來的芝麻糊有焦苦味.

 

炒香了的芝麻和浸泡過夜的白米倒入沙盤, 加適量的水, 用 "擂漿棍" 繞圈將芝麻和米磨糊, 沙盤的內壁是有坑紋的, 所以磨起來不是很費勁, 大概半個小時就好了. 童年的我視之為飯後餘興節目, 積極投入參與    現在我用攪拌機代替了, 省力氣省時間, 不過攪拌機運作起來也要很細心, 不然做出來的東西會逹不到 "糊" 的程度, 攪拌不均勻會嚴重影響口感.

 

芝麻米糊攪拌好了之後, 煮開水加冰片糖, 調好甜度, 記著要慢火, 把芝麻米糊, 邊慢慢倒進糖水, 邊快速用長木勺子攪拌, 致合適的稠度, 再慢慢煮 1 分鐘, 關火, 稍涼之後就行了.  濃稠度要掌握得好, 可先盛起一碗糖水, 太稠 (廣東話係 '傑' ) 可加糖水稀釋, 太稀的話就多加點米糊, 別忘了快速攪拌 !!!

 

眼皮快要合起來了, 最後想說的是 "擂漿棍" 的素材, 聽說我以前的是石榴木, 很堅!!!